ამ ეტაპზე ორგანიზაციაში მიმდინარე პროექტებია:

მიმდინარე პროექტები:

1. ციფრული განათლება ახალგაზრდებისთვის

პროექტი დაფინანსებულია ფონი „ლუტეციას“ მიერ და მისი მთავარი მიზანია უსინათლო/მცირემხედველი ბავშვებისთვის ციფრულ ტექნოლოგიებზე წვდომის გაზრდა და მათი ინტეგრირება საზოგადოებაში.

პროექტის ფარგლებში შევიძენთ ტექნიკას ბავშვებისთვის და კვალიფიკაციური პრაქტიკოსი ტრენერის მეშვეობით შევასწავლოთ სპეციალური ხმოვანი პროგრამის, ციფრული ტექნიკის და ინტერნეტის გამოყენება ინფორმაციის მისაღებად. ამასთანავე, პროექტის ფარგლებში ბავშვები გაეცნობიან იმ მთავარ სოციალურ საგანმანათლებლო პლატფორმებს, რომლებიც მნიშვნელოვანია მათი სამომავლო განვითარებისთვის.

2. უსინათლო პირთა ფსიქოლოგიური და ფიზიკური გაჯანსაღება

პროექტი სეზონურად მიმდინარეობს რამდენიმე მუნიიცპალიტეტში და გულისხმობს უსინათლო/მცირემხედველი პირის როგორც ფიზიკურ, ისე ფსიქოლოგიურ რეკრეაციას.

ბენეფიციარები აღნიშნული პროექტისთვის ირჩევიან განსაკუთრებული საჭიროებების მიხედვით. ისინი ისვენებენ მათთვის ნაცნობ, ადაპტირებულ ზღვის პირას მდებარე სასტუმროში და ამავდროულად იღებენ ფსიქოლოგიურ მხარდაჭერას, რაც ძალიან მნიშვნელოვანია მათი ინტერგრაციისთვის.

3. თეთრი ხეჯოხის გამოყენების შესწავლა უსინათლო პირთათვის

აღნიშნული პროექტი ხორციელდება საქართველოს დევნილთა, შრომის, ჯანმრთელობის და სოციალური დაცვის სამინისტროს მხარდაჭერით და გულისხმობს ბენეფიციარების სპეციალიზირებული, სიმაღლესა და საჭიროებას მროგებული თეთრი ხელჯოხით აღჭურვას და კვალიფიცირებული ტრენერის მიერ მათთვის სივრცეში ორიენტაცია-მობილობის ტრენინგის ჩატარებას.

4. ქართულენოვანი ტიფლო ტექნიკა

საქართველოს მუნიციპალიტეტების მერიების დახმარებით და სხადასხვა კომპანიებთან თანამშრომლობით, საქართველოს უსინათლოთა კავშირი ამ ეტაპზე მუშაობს უსინათლოთათვის განკუთვნილი სპეციალური ხმოვანი ტექნიკის (ტიფლო ტექნიკის) ქართულ ენაზე გახმოვანებაზე.

პირველ ეტაპზე ქართული ენით აღიჭურვება ისეთი პირველადი საჭიროების სამედიცინო ინვენტარი, როგორებიცაა წნევის აპარატი, გლუკომეტრი და თერმომეტრი, ხოლო შემდგომ ორგანიზაცია განაგრძობს მუშაობას აღნიშნული მიმართულებით საჭიროების შესაბამისად.

მიმდინარე წლის მანძილზე ორგანიზაციას მიზნად აქვს დასახული აქტიურად ჩაერთოს როგორც კულტურის, ისეინკლუზიური ტურიზმის და საგანმანათლებლო სფეროებში.

სუ კავშირის წევრი მკვეთრად ან მნიშვნელოვნად შეზღუდული შესაძლებლობის მქონე უსინათლოს ოჯახი დასაჩუქრდეს ყოველ ახალშობილ ბავშვზე ერთჯერადად 375 ლარით.

საჩუქარი გაიცეს ბავშვის დაბადებიდან ერთი წლის ვადაში.

საჩუქრის მისაღებად უსინათლო მშობელმა უნდა წარმოადგინოს შემდეგი დოკუმენტაცია:

1. განცხადება
2. პირადობის დამადასტურებელი მოწმობის ასლი.
3. ბავშვის დაბადების მოწმობის ასლი.
4. საბანკო რეკვიზიტი.

სუ კავშირის მკვეთრად ან მნიშვნელოვნად შეზღუდული შესაძლებლობის მქონე 30 წლამდე ახალდაქორწინებული წევრი დასაჩუქრდეს ერთჯერადად 250 ლარით.

დაქორწინებულები, თუ ორივე შშმ უსინათლოა, დასაჩუქრდეს ორივე.

საქორწინო საჩუქარი ერთ პირზე გაიცემა მხოლოდ ერთხელ.

ახალდაქორწინებულმა საჩუქრის მისაღებად უნდა წარმოადგინოს შემდეგი დოკუმენტაცია:

1. განცხადება
2. პირადობის დამადასტურებელი მოწმობის ასლი/ასლები
3. ქორწინების ან ჯვრისწერის დამადასტურებელი მოწმობის ასლი
4. საბანკო რეკვიზიტი.

არამომუშავე ვეტერან და მარტოხელა უსინათლოებზე

ყოველთვიური ფულადი დახმარება

ფინანსური დახმარება გაიცემა, მხოლოდ სუ კავშირის წევრ, არამომუშავე ვეტერან და მარტოხელა უსინათლოებზე, რომლებიც სოციალურად დაუცველი ოჯახების მონაცემთა ბაზაში რეგისტრირებულნი არიან არა უმეტეს 150000 სარეიტინგო ქულით.

დახმარების გაცემის წესი

ვეტერანი წევრი

ვეტერანი წევრი ნიშნავს პირს, რომელსაც აქვს სუ კავშირის წევრობის არანაკლებ 50 წლის სტაჟი)

1. არამომუშავე ვეტერანი, რომელსაც აქვს წევრობის არანაკლებ 70 წლის სტაჟი.

1.1 არამომუშავე, ვეტერან წევრზე, რომელსაც აქვს სუ კავშირის წევრობის არანაკლებ 70 წლის სტაჟი და რეგისტრირებულია სოციალურად დაუცველი ოჯახების მონაცემთა ბაზაში არა უმეტეს 70000 სარეიტინგო ქულით, ყოველთვიურად გაიცეს 68.75 ლარი.

• არამომუშავე, ვეტერან წევრზე, რომელსაც აქვს სუ კავშირის წევრობის არანაკლებ 70წლის სტაჟი და რეგისტრირებულია სოციალურად დაუცველი ოჯახების მონაცემთა ბაზაში სარეიტინგო ქულით 70000 - დან არა უმეტეს 150000 ქულისა, ყოველთვიურად გაიცეს 25 ლარი.

2. არამომუშავე ვეტერანი რომელსაც აქვს წევრობის 60 წლის სტაჟი.

• არამომუშავე, ვეტერან წევრზე, რომელსაც აქვს სუ კავშირის წევრობის არანაკლებ 60 წლის სტაჟი და რეგისტრირებულია სოციალურად დაუცველი ოჯახების მონაცემთა ბაზაში არა უმეტეს 70000 სარეიტინგო ქულით, ყოველთვიურად გაიცეს 25 ლარი.

• არამომუშავე, ვეტერან წევრზე, რომელსაც აქვს სუ კავშირის წევრობის არანაკლებ 60 წლის სტაჟი და რეგისტრირებულია სოციალურად დაუცველი ოჯახების მონაცემთა ბაზაში სარეიტინგო ქულით 70000 - დან არა უმეტეს 150000 ქულისა, ყოველთვიურად გაიცეს 50 ლარი.

3. არამომუშავე ვეტერანი წევრი რომელსაც აქვს წევრობის არანაკლებ 50 წლის სტაჟი.

• არამომუშავე, ვეტერან წევრზე, რომელსაც აქვს სუ კავშირის წევრობის არანაკლებ 50წლის სტაჟი და რეგისტრირებულია სოციალურად დაუცველი ოჯახების მონაცემთა ბაზაში არა უმეტეს 70000 სარეიტინგო ქულით ყოველთვიურად გაიცეს 27.25 ლარი.
• არამომუშავე, ვეტერან წევრზე, რომელსაც აქვს სუ კავშირის წევრობის არანაკლებ 50წლის სტაჟი და რეგისტრირებულია სოციალურად დაუცველი ოჯახების მონაცემთა ბაზაში სარეიტინგო ქულით 70000 - დან არა უმეტეს 150000ქულისა, ყოველთვიურად გაიცეს 20.60 ლარი.

მარტოხელა წევრი

(მარტოხელა ნიშნავს - პირს, რომელიც ცხოვრობს მარტო და არ ჰყავს ოჯახი - მეუღლე, შვილი.)

4. არამომუშავე მარტოხელა წევრი.

• არამომუშავე მარტოხელა წევრზე, რომელიც რეგისტრირებულია სოციალურად დაუცველი ოჯახების მონაცემთა ბაზაში არა უმეტეს 70000 სარეიტინგო ქულით, ყოველთვიურად გაიცეს მკვეთრად შშმ პირზე 41.25 ლარი. მნიშვნელოვნად შშმ პირზე 27.50 ლარი.
• არამომუშავე მარტოხელა წევრზე, რომელიც რეგისტრირებულია სოციალურად დაუცველი ოჯახების მონაცემთა ბაზაში სარეიტინგო ქულით 70000 დან არა უმეტეს 150000ქულისა, ყოველთვიურად გაიცეს მკვეთრად შშმ პირზე 27.50 ლარი. მნიშვნელოვნად შშმ პირზე 13.75 ლარი.

დახმარების მისაღებად საჭირო დოკუმენტაცია

ვეტერანმა წევრმა დახმარების მისაღებად უნდა წარმოადგინოს შემდეგი დოკუმენტაცია

1. განცხადება
2. პირადობის მოწმობის ასლი
3. ფილიალიდან ცნობა, რომელიც მოიცავს ინფორმაციას პირის საქმიანობისა და სუ კავშირში გაწევრიანების თარიღის შესახებ.
4. სარეიტინგო ქულის ამონაწერი სოციალურად დაუცველი ოჯახების მონაცემთა ბაზიდან (აღნიშნული ცნობა უნდა განახლდეს 6 თვეში ერთხელ).
5. საბანკო რეკვიზიტი.

მარტოხელა უსინათლომ დახმარების მისაღებად უნდა წარმოადგინოს შემდეგი დოკუმენტაცია

1. განცხადება.
2. პირადობის მოწმობის ასლი
3. ფილიალიდან ცნობა, რომელიც მოიცავს ინფორმაციას პირის საქმიანობის, მხედველობის შეზღუდვის (მკვეთრი - მნიშვნელოვანი) და ოჯახური მდგომარეობის შესახებ.
4. სარეიტინგო ქულის ამონაწერი, სოციალურად დაუცველი ოჯახების მონაცემთა ბაზიდან. (აღნიშნული ცნობა უნდა განახლდეს 6 თვეში ერთხელ).
5. საბანკო რეკვიზიტი.

მარტოხელა – ვეტერანი წევრი ისარგებლებს ერთდროულად როგორც ვეტერანისთვის, ისე მარტოხელისთვის დებულებით განსაზღვრული შესაბამის პუნქტებში დადგენილი დახმარებით.

უსინათლოთა ოჯახებისთვის 18 წლამდე ასაკის შვილზე

ყოველთვიური ფულადი დახმარება

დახმარება გაიცემა, სუ კავშირის უსინათლო წევრის ოჯახებზე, რომლებსაც ჰყავთ 18 წლამდე ასაკის შვილი/შვილები, მშობლები არ მუშაობენ და რეგისტრირებულნი არიან სოციალურად დაუცველი ოჯახების მონაცემთა ბაზაში, არაუმეტეს 150000 სარეიტინგო ქულით.

ბენეფიტის მიმღები ოჯახები:

1. მარტოხელა მშობელი, რომელიც არის მკვეთრად ან მნიშვნელოვნად გამოხატული შშმ უსინათლო.
2. ორივე მშობელი არის მკვეთრად ან მნიშვნელოვნად გამოხატული შშმ პირი აქედან ერთერთი მშობელი უსინათლოა.
3. ერთ-ერთი მშობელი და შვილი მკვეთრად ან მნიშვნელოვნად გამოხატული შშმ უსინათლო პირები არიან.

ბენეფიციარ ოჯახებს, რომლებსაც ჰყავთ 18 წლამდე ასაკის შვილი/შვილები გაიცეს თითოეულ შვილზე 41.25 ლარი.

დახმარების მისაღებად ოჯახმა უნდა წარმოადგინოს შემდეგი დოკუმენტაცია:

1. განცხადება.
2. პირადობის დამადასტურებელი მოწმობის ასლი/ასლები
3. თითოეულ მშობელზე სოციალური მომსახურების სააგენტოს მიერ გაცემული შშმპ-ის დამადასტურებელი ცნობა.
4. შვილის/შვილების დაბადების მოწმობის ასლები.
5. ცნობა, შესაბამისი ფილიალიდან, რომელიც მოიცავს ინფორმაციას მშობლების (მარტოხელა მშობლის) უმუშევრობის და ოჯახური მდგომარეობის შესახებ.
6. სარეიტინგო ქულის ამონაწერი, სოციალურად დაუცველი ოჯახების მონაცემთა ბაზიდან (აღნიშნული ცნობა უნდა განახლდეს წელიწადში ერთხელ).
7. საბანკო რეკვიზიტი.

1. სტიპენდიის გაცემის წესი:
2. სტიპენდია გაიცემა საქართველოს უსინათლოთა კავშირის წევრ მხედველობის მხრივ შეზღუდული შესაძლებლობის მქონე სტუდენტზე, რომელიც სწავლობს აკრედიტებული/ავტორიზებული უმაღლეს ან პროფესიული სასწავლებელში.
3. სტიპენდიის ოდენობის განსაზღვრა

2.1 სტუდენტი, რომელიც სწავლობს აკრედიტებულ უმაღლეს სასწავლებელში ბაკალავრიატის, მაგისტრატურის ან დოქტორანტურის საფეხურზე:

ა) საკმარისი, დამაკმაყოფილებელი, კარგი(51-80 ქულა) შეფასების შემთხვევაში მიიღებს სტიპენდია 75 ლარის ოდენობით.

ბ) ძალიან კარგი (81-90 ქულა) შეფასების შემთხვევაში მიიღებს სტიპენდიას 100 ლარის ოდენობით.

გ) ფრიადი (91-100 ქულა) შეფასების შემთხვევაში მიიღებს სტიპენდიას 125 ლარის ოდენობით.

2.2 სტუდენტი რომელიც სწავლობს აკრედიტებულ/ავტორიზებულ პროფესიულ სასწავლებელში მიიღებს სტიპენდიას 50 ლარის ოდენობით.

3. სტიპენდიის მისაღებად საჭიროა შემდეგი დოკუმენტები

3.1 ცნობა აკრედიტებულ პროფესიულ ან უმაღლეს სასწავლებელში სწავლის შესახებ.

3.2 პირადობის მოწმობის ასლი და ბანკის პირადი ანგარიშის ნომერი.

3.3 ყოველ სემესტრში წარმოსადგენია:

ა) ცნობა სასწავლებლიდან.

ბ) შეფასების (ქულა/ნიშანი) ფურცელი.

4. შენიშვნა

4.1 აკრედიტებული/ავტორიზებული პროფესიული სასწავლებლის სტუდენტი სტიპენდიას მიიღებს იმ შემთხვევაში, თუ სასწავლო პროგრამის ხანგრძლიობა განსაზღვრულია მინიმუმ 6 თვით.

4.2 საქართველოს უსინათლოთა კავშირის წევრ მხედველობის მხრივ შეზღუდული შესაძლებლობის მქონე პირს სტიპენდიით შეუძლია ისარგებლოს:

ა) აკრედიტებულ/ავტორიზებულ პროფესიულ სასწავლებელში სწავლის ერთი კურსი.

ბ) აკრედიტებულ უმაღლეს სასწავლებელში სწავლების თითოეულ საფეხურზე (ბაკალავრიატი, მაგისტრატურა, დოქტორანტურა) ერთი კურსი.